Jong Ngemegahka Malaysia Pengudah Bulih Midul Perak Ba Lumba Paralimpik Tokyo

Spread the love

KUCHING, 30 Ogos; Atlet Paralimpik menua, Jong Yee Khie ngemegahka Malaysia pengudah bulih midul perak dalam kategori Powerlifting 107kg (lelaki).

Jong Yee mujur ngerikodka ulih ngangkat pemerat 237kg ba Lumba Paralimpik Tokyo, sehari tu.

Menteri Muda Pengelantang Komuniti, Orang Indu, Ruang Bilik enggau Pemansang Anak Mit, Datuk Seri Fatimah Abdullah madah, pemujur atlit ari Sarawak ngangkatka nama Malaysia ngagai tikas antarabansa tejapai seraya nyadi midul kedua menua pengudah Bonnie ti bulih midul emas empai lama ti udah.

“Pemujur kedua-dua atlit ari Sarawak tu ba renggat dunya, muka mata komuniti ngagai Raban Orang Timpang Pendiau (OKU) ti udah ngangkatka penau sida ti sebagi ari raban OKU,” ku iya dalam penerang sehari tu.

Berebak enggau nya, iya meri pengaga ati ngagai kedua-dua atlit tu ti mujur bulih midul lalu ngarap raban atlit Paralimpik ke bukai enda putus pengarap enggau ransing besemikih ba lumba dudi hari ila.

Fatimah mega ngarap pemujur kedua-dua atlit tu ulih meri peransang ngagai atlit Paralimpik SUKMA ke bukai ti deka bepekit di Johor ba taun baru ila.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *