Servis Perintah Mesti Ngemeranka Pelasar Digital

Spread the love

KUCHING, 1 Ogos – Servis perintah mesti bepelasarka pelantar digital ti ngemeranka pekakas teknologi ngambika penerang jampat diterima enggau dikunsika ngagai rayat tebal agi di mengeri besai Kuching.

Kepala Menteri Datuk Patinggi Abang Johari Tun Openg madahka,
ba renggat nengeri Palan Gerah udah ditumbuhka ke alai semua penerang digumpul sereta disimpan ba siti endur ti bepalan ba Baitulmakmur kedua.

Semua penerang tu chukup beguna ngambika ulih dimalin lebuh beratika pekara ke benung nyadi, aktiviti ti dipejalaika ba sesebengkah kandang menua sereta mantu ngemanahka tikas servis perintah ngagai rayat.

“Beduduk ari nya aku meransang Opis Kaunsil Mengeri Kuching Selatan (MBKS) enggau Opis Kaunsil Mengeri Kuching Utara (DBKU) mesti bisi palan gerah kediri empu lalu palan tu deka disambung enggau palan gerah nengeri ba Baitulmakmur kedua.

“Tu mandangka bisi pengawa betukarka penerang entara ejensi penerit atur enggau palan gerah digital nengeri.” ku iya madah lebuh bejadika Majlis Memperingati Sambutan Hari Bandaraya Kuching Ke-33 maya Hari Minggu.

Abang Johari madahka, berindik ari nya semua pekara ke nyadi ba kedua-dua ejensi perintah ulih diperati lalu dipadah terus ngagai opis menteri awakka pengelemi ba dalam servis ke diberi ngagai rayat ulih dikemanahka agi.

“Ambika chunto, siti penanggul ke ditapi kitai diatu iya nya pengawa muai uras laban serikat ke bejalaika pengawa nya tekeruga ketegal pengekai COVID-19.

“Kadang-kadang bisi pengereja pengawa sida dirampit igi penyakit COVID-19 ti ngujungka meri empas ngagai pengawa muai sampah ba kandang menua di mengeri.” ku Abang Johari madah agi.

Iya nerangka, enti sema pekara tu nyadi mesti bisi chara tauka alternatif bukai dipejalaika dikena mutarka penanggul ke ditapi rayat ke mendam di Kuching.

Berindik ari nya, Opis Kaunsil Kandang Menua ulih minta sanding penemu ari opis menteri begigaka chara ti pemadu engkeman dikena mutarka penanggul nya.

Join our social media channel to get our news Alerts and highlights.

Leave a Reply

Your email address will not be published. Required fields are marked *