Pelasar Perintah GPS Penentu Pemujur Ekonomi Sarawak

Spread the love

KUCHING, 23 Julai – Pelasar Jauh Tinjau Penemu perintah Gabungan Parti Sarawak (GPS)  kunchi pemujur nengeri tu nyadika Sarawak sebuah nengeri ti maju sereta bepenatai pemisi tinggi manggai taun 2030.

Kepala Menteri Datuk Patinggi Abang Johari madahka, iya endang pechaya Sarawak ulih nyapai juluk nya enti sema genap iku rayat sama besaup sereta ransing ati deka nyadika tagit nya nyadi nyata.

Ku iya madah, pemar ke agi benung ditapi diatu iya nya ngelaban pengekai COVID-19 lalu tu mandangka Sarawak bisi daya sereta ulih mutarka pemara sereta ngesan tanggungpengawa ke diberi dikena nentuka nengeri tu enda tinggal ke belakang.

“Perintah GPS ti dituaika aku semampai meri perati ngagai pelasar ti jauh tinjau penemu dikena nentuka pemujur ekonomi nengeri tu dudi hari.

“Lebuh betapi pengekai igi penyakit COVID-19, kitai udah netapka pelasar senentang singkang timpuh panjai dikena ngelaban penyakit tu iya nya ngelengkaska agi program betuchuk vaksin rayat kitai,” ku iya madah.

Abang Johari madahka, program meri vaksin ti udah bulih sukung ari mayuh macham ejensi lebih ari 70 peratus rayat kitai udah nerima vaksin keterubah enggau lebih ari 40 epratus udah nerima dos kedua.

Iya bejaku munyi nya beserimbai enggau Hari Sarawak 2021 ti ngangkatka rambai Sarawak Cemerlang Untuk Semua ba kompleks Dewan Kunsil Nengeri (DUN) malam hari empat.

Tags: #iban

Join our social media channel to get our news Alerts and highlights.

Leave a Reply

Your email address will not be published. Required fields are marked *