Elektrik Putus Ba Batu Kitang, Bau, Lundu Enggau Sematan Ketegal Tanah Tusur

Spread the love

KUCHING: Kabel elektrik ti rusak dalam penusah tanah tusur enda jauh ari Kampung Haji Baki ba Jalai Batu Kitang lebuh tengah malam 16 Julai mutus karan ngagai mensia mayuh ke diau ba Batu Kitang, Bau, Lundu enggau Sematan.

Sarawak Energy Bhd (SEB) nganjung tim operasi sida enggau jampat ngambika nyidi empas ari penusur tanah nya.

Sida mujur nyambung karan ngagai mensia mayuh ke napi penusah urung pukul 2.00 pagi nengah litar alternatif.

Manager Wilayah Barat SEB, Choo Min Chong, madah kereja ngadu kabel ti rusak disekat ulih pendiau endur tanah tusurnya ti enda likun.

Dalam timpuh beberapa hari ti deka datai, tim nya deka masang kabel ti ngelaungka endur tanah tusur.

“Tanah lemi ba endur tanah tusur nya nyekat pemujur tim kami ngereja pengawa ngaduka kabel. Kami amat beterimakasih ka pemereti mensia mayuh,” ku Choo.

Mensia mayuh ke deka nemu agi pasal servis SEB tau betelefon ngagai Pusat Servis Pelanggan 23/7 SEB ba lumur 1300-88-3111 tauka emel ngagai customercare@sarawakenergy.com.

Mensia mayuh mega ulih minta bantu ngena aplikasi SEB, SEB cares, ti ulih digiga dalam Google Play enggau Apple App Store.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *