Vaksin Sinophram Enggau Johnson & Johnson Dikemendarka Diguna

Spread the love

KUALA LUMPUR, Julai 16: Raban Bekuasa Kawalan Dadah (PBKD) ngemendarka nguna vaksin COVID-19 bansa Sinopharm enggau Johnson & Johnson ba penusah ngenyit.

Perkara nya dikunsika Tuai Direktor Pengerai, Tan Sri Dr Noor Hisham Abdullah  ba laman Facebook  iya kena hari lima.
 
Ku Tuai Direktor Pengerai, Tan Sri Dr Noor Hisham Abdullah , pemendar berejister nya bisi penetap nyengkaum penerang bekaul engggau kualiti, pengelikun, sereta tikas pengasi produk vaksin nya ti seruran dipatau sereta diperesa nitihka penerang ke baru.
 
“Tu dikena nentuka bida entara pemanah enggau risiko (Benefit over Risk) ungkup produk tu mengkang meri bekau ke positif,” ku iya madah.


Opis Menteri Pengerai (KKM) deka seruran negmanahka tikas pengerai mensia mayuh kelebih agi lebuh napi pengekai igi penyakit COVID-19.

Entara inisiatif ngemanahka tikas pengerai rayat ke udah dipejalaika iya nya nyendiaka bekal vaksin ke chukup ti udah dipansik ari sukut kualiti, pengelikun enggau pengasi vaksin nya ti dipansik Raban Regulatori Farmasi Menua (NPRA) sereta dikemendarka PBKD.
 
“Pemendar nya diberi sepengudah Aum PBKD Lumpar ke-361 bekaul enggau rejister vaksin COVID-19.”


Nangkanka nya, iya madahka perintah bebendar deka nentuka semua rayat udah dituchuk vaksin dikena nyapai Imuniti Kelompok (Herd Imuniti) beserimbai enggau tagit Program Betuchuk Vaksin COVID-19 Menua (PICK).

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *