Empat Program Diatur Ba Pelilih Lubok Antu

Spread the love

SIMANGGANG: Menteri Muda Pemansang Pengawa Industri Sarawak ke mega Kaban Kunsil Nengeri (ADUN) Batang Ai Datuk Dr Malcolm Mussen Lamoh bejadika empat program kemari lebuh iya ngelawa Pelilih Lubok Antu.

Mussen bejadika program Majlis Peladang Prihatin Sarawak kena mantu pengawa meli asil betanam betupi ti diatur Opis Betanam Betupi Pelilih Menua Sri Aman.

Bantu tu asil kereja sama entara Gerempung Peladang Kandang Menua (PPK) enggau Palan Meri Tuchuk Vaksin (PPV) Dewan Kompleks Sukan Majlis Pelilih Menua Lubok Antu.

Program tu siti ari komponen program meli enggau nyadung asil utai tanam ari PPK kelimpah ari ngayanka asil produk menua dia sereta ngelakuka PPK enggau chakah agi.

Nangkanka nya, Mussen mega bisi ngelimpangka diri ngagai Palan Kuarantin Batang Ai.

Palan Servis Komuniti ti diubah nyadi palan kuarantin tu semina diengkah pesakit PUI (pesakit benung diperesa) enggau pesakit PUS (pesakit benung dipatau) aja. Ia bisi dua iti begunan ti ditatak ngagai 40 iku pesakit ba siti blok begunan.

Mussen ngena awak nya nyuaka bantu pemakai enggau ai irup ngagai raban gawa di luan ba palan nya.

Sepengudah nya, iya ngelimpangka diri ngagai Pasar Lubok Antu lalu sempat betemu enggau komuniti Cina sereta bejadika program UKAS.

ADUN Batang Ai nya mega meri bantu bakul pemakai ngagai penerima ke bisi dalam kategori orang timpang pendiau (OKU) ba pasar nya.

Urung pukul 1 ngalih hari, ba palan servis iya empu, Mussen nyuaka cek RM150,000 ari perintah nengeri ungkup rumah sembiang baruh Unit Pekara Pengarap Bukai (UNIFOR) ngagai Father Joseph Dusit ari St Philip Parish Lubok Antu ke ngarika Gerija Anglikan, Gerija Seventh Day Adventist (SDA) enggau Gerija Katolik, kena ngemanahka agi Pendam Nyemungan Batang Ai enggi ketiga-tiga gerija nya.

.

Mussen nyuaka cek RM150,000 ngagai pengari gerija kena ngemanahka pendam Kristian.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *