Sarawak Sedia Tama Fasa Kedua Pelin Mulaika Pemanah Menua Kena 14 Julai

Spread the love

KUCHING: Sarawak udah besedia deka tama ngagai Fasa Kedua Pelin Mulaika Pemanah Menua (PPN) belabuh ari minggu tu.

Taja pia, tu bepanggai ba pemujur menua tu nyapai panggal pelasar (nilai ambang) keterubah ti udah ditetapka perintah.

Menteri Kaunsil Kandang Menua enggau Pengawa Berumah, Datuk Sri Dr Sim Kui Hian, madahka program betuchuk vaksin di Sarawak udah mujur laban semua orang bejalaika pengawa sida ke patut ngambika proses nya ulih dikereja enggau jampat.

Tuju ia endang kena nyapai ‘imuniti kelompok’ tauka kebal beraban manggai ba ujung bulan Ogos tu ila.

Iya madah, perintah nengeri ngelanggur deka nuchuk 50 peratus ari rayat Sarawak enggau vaksin dos kedua berengkah ari 22 Julai tu.

Beserimbai enggau nya, atur pengawa betuchuk vaksin baka tu patut dipajak mega ba fasa PPN ila.

Taja pan nengeri Sarawak deka tama ngagai Fasa Kedua, Dr Sim nyemetak madahka pengawa ngurangka kes kena rampit igi penyakit COVID-19 mega bisi kaul enggau disiplin rayat ke patut ngasika Atur Operasi Standard (SOP).

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *