Atur Nagang Pemindah Diteritka Ba Dua Genturung Pendiau

Spread the love

KUCHING: Atur Nagang Pemindah Diteritka (PKPD) udah dipejalaika ba dua endur di nengeri tu.

Komiti Mutarka Penusah Ngenyit Nengeri Sarawak (JPBNS) madah, endur nya ba Kuarters Pekereja Ladang Estet Sime Darby Plantation di Bintulu enggau Rumah Mulok Klua Krian di Saratok.

PKPD ba Kuarters Pekereja Ladang Estet Sime Darby Plantation berengkah dipejalai ari 11 ngagai 24 Julai 2021.

Rumah Mulok Klua Krian bejalaika PKPD berengkah ari 12 ngagai 25 Julai.

Ba awak ti sama, JPBNS mega madah, PKPD ba Rumah Lewis, Kampung Batu Besai, di Sri Aman dilanjar berengkah 12 ngagai 19 Julai.

PKPD ba lima genturung pendiau udah diketu laban nadai kes pengelekai igi penyakit COVID-19 dirikod.

Tu nyengkaum Rumah Awang ba Sungai Stok di Sarikei, Kampung Tematu ba Kuching, Setinggan Pulau Riam, Sangan, ba Tatau, Rumah Unchie, Nanga Ingu Ili, Kabo ba Saratok, enggau Rumah Catherine Tamoh, Sungai Aup ba Sibu, ti diketuka PKPD kena 13 Julai.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *