Penerang Media Madahka Muhyiddin Nyurutka Diri Pelesu

Spread the love

KUCHING, 11 Jun: Opis Menteri Besai (PMO) nyangkal penerang ke alai Menteri Besai Tan Sri Muhyiddin Yassin ngatur aum kabinet ngenyit enggau mutus deka nyurutka diri baka ti dikerembai dalam media rama kena Hari Enam, kemari.

Jurujaku PMO nyemetak madah, penerang ti dikerembai ba media rama pelesu lalu ukai dikeluarka ari opis nya.

Nitihka dalam penerang nya, Muhyiddin dipadahka mutus deka nyurutka diri ari megai pangku pengawa nyadi menteri besai.

Kelimpah ari nya, dalam penerang madahka kabinet bela seati nerima pemutus Muhyiddin nyurutka diri enggau minta Muhyiddin ngelalau Yang di-Pertuan Agong nyiri siku menteri besai ke baru seriris enggau Perlembagaan Persekutuan.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *