Penyereta Salcra Deka Nerima Dividen Kedua

Spread the love

Kuching, 09/07/2021 – Bisi 12,994 iku penyereta Salcra deka nerima dividen (NPP) Taun 2020 sepenyampau RM16.97 juta ba tengan bulan tujuh tu.

Bayar keterubah udah diberi pun taun tu tadi.

Kaunsil Pengintu enggau Penyaga Tanah Sarawak (Salcra) nengah sebengkah penerang kena hari lima madahka bala penyereta tau berengkah nentuka lumur akaun diri nyengala betul nitihka udah rejister sida ba Salcra.

Salcra ngarapka dividen tu ulih mantu ngelempungka tating belanja bala penyereta dikena napi pandemik Covid-19 lalu madahka asil dividen bisi kusut mimit berindik ari pangka pandemik dalam timpuh enam bulan ke udah.

Nangkanka nya atur nyaga garis entara menua diterit atur ngujungka pengawa ngambi pengereja menua luar tejanggal sereta ngeruga pengawa ba ladang kelebih agi ngaul asil buah sawit (BTS).

Nya alai Salcra ngaji bala pengereja menua tu empu dikena mutarka penanggul nya kelimpah nyiri kunteriktor menua tu bejalaika sekeda inisiatif ngambi ulih nambahka asil sawit.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *