Sanitasyen Nguna Perengka Ke Digaga Diri Empu

Spread the love

KUCHING, 3 Jun: Raban Nembiak Parti Sa’ati Rayat Sarawak (SUPP) Pampang Simanggang ngambi inisiatif bejalaika program sanitasyen tebuka ba begunan kedai di pasar Simanggang.

Inisiatif tu dipejalai ke tanda sukung dalam nagang pengekai igi penyakit Covid-19.

Tuai projek, Kapitan Tay Yaw Ming ti mega Tukang Wang Raban Nembiak SUPP Pampang Simanggang madah, aktiviti sanitasyen tu nguna belanja sida empu enggau udah bulih pemendar ari Komiti Mutarka Penusah Ngenyit Bagi Menua (Jbbb) Sri Aman.

“Abis nadai kitai naka ulih ngiga chara, nya kebuah tepansut runding chara ngena barang kimia, baka ni ngena perengka nya lalu milih nguna kereban kipas tu.Nyadi kami empu ngaga nya,” ku iya lebuh ditelefon pengarang berita TVS, sehari tu tadi.

Ku iya madah, bisi 12 iku raban nembiak volunteer ari SUPP pampang Simanggang ti dibagi ngagai dua tim ngena dua buah lori ti disikap enggau kereban sanitasyen khas ke digaga diri empu.//

Kereja sanitasyen dipejalaika berengkah ari pukul 10:00 malam nyentuk 1:30 pagi ti mungkur semua blok pasar Simanggang.//

“Pengawa tu deka dikemesai ngagai endur palan pengentap berumah nyengkaum ke rumah panjai,nyadi tu entara perambu kami,” ku iya.

Aktiviti sanitasyen tu mega bisi digulu Menteri Muda Pengelantang Komuniti, Datuk Francis Harden Hollis ke mega Kaban Council Nengeri (ADUN) Simanggang nandaka sukung dalam nagang pengekai igi penyakit Covid-19.//

Tags: #ib, iban

Join our social media channel to get our news Alerts and highlights.

Leave a Reply

Your email address will not be published. Required fields are marked *