Guna Manah Geran MRP Ungkup Pengelantang Rayat

Spread the love

TATAU, 3 Julai – Duit turu ke diberi perintah nengah Projek Mit Menua Pesisir (MRP) mesti diguna manah-manah ngambika ulih mai pemansang sereta pengelantang ngagai rayat.

Tuai Genturung Pendiau enggau Tuai Rumah patut nguna geran nya ngemansangka kandang endur diri empu seraya mekuh ngagai pengawa ke ngaul genap iku rayat.

Ambika chunto, bisi 65 Komiti Pemansang enggau Pengelikun Genturung Pendiau (JKKK) enggau sekeda serakup nerima geran MRP di sitak kunsil nengeri DUN Kakus.

Kaban Kunsil Nengeri (ADUN) Kakus, Datuk John Sikie Tayai madahka, penyampau semua geran MRP ke diserahka iya nya RM1,382,000.00.

“Nyadi chek tu bepanggai ba kita meri ngagai JKKK rumah panjai nguna ungkup tu ba sekeda projek pemansang rumah panjai. Kelimpah ari nya, Tuai Rumah mesti madah ngagai rayat sida senentang penyampau chek ke diterima,” ku iya madah maya nyerahka chek MRP ngagai penerima di Rh Jan Jelian, Tatau maya hari lima.

Datuk John madahka, chek nya tetap deka diagih taja pan agi napi COVID-19 lalu deka diserah nengah chara berenggat nitihka kandang endur enggau timpuh ti ditetapka seraya belalauka Standard Atur Pengawa (SOP).

Iya ke mega Menteri Muda Undang-Undang enggau Adat Bumiputera Sarawak madah, di Nanga Tau chek diberi ngagai empat JKKK iya nya di Rh Gansa, Rh Satan, Rh Jan enggau Rh Dilang enggau penyampau semua MRP RM65,000.00.

Nangkanka nya, chek mega deka diberi ngagai 12 JKKK bukai ke diagihka di Rh Ukih, di Muput.

Dientudika ba sekeda kandang endur ti nyerangkung Bawan, Kakus, Sungai Arip enggau di Opis Pelilih Tatau nyentuk ke 5 hari bulan 7 2021.

Kelimpah ari nya, iya mega ngelalau peranak di rumah panjai terus ngasika SOP taja pan udah nerima tuchuk vaksin COVID-19.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *