Malaysia Enda Kena Empas Fenomena Gaya Hari Ke Angat

Spread the love

KUALA LUMPUR, 2 Julai – Malaysia enda kena empas ketegal fenomena gaya hari ke angat ti benung nyadi di Kanada enggau barat laut Amerika Syarikat.

Tuai Direktor Opis Meteorologi Malaysia (MetMalaysia)) Jailan Simon madahka, rayat Malaysia enda ibuh irau tauka nangi senentang gaya hari ke angat ti benung ditapi kedua-dua menua nya ke diatu ngerikodka tikas pengangat 47.9 enggau 56.6 darjah celcius.

“Malaysia diatu benung ba tengan fasa Monsun Barat Daya ti dijangka nyentuk ke bulan 9 taun tu. Sepemanjai timpuh nya menua deka napi tikas pengangat ke lebih baruh ari biasa maya bulan 7 ketegal gaya hari ke lebih semun sereta suah agi ujan ti dibanding baka biasa.”

Iya nerangka, gaya tu nyadi ketegal pengubah ari fasa La Nina ke fasa El Nino Southern Oscillation (ENSO)) Neutral enggau dijangka menua deka napi gaya ujan baka selama ba pun ari bulan lapan tu ila.

Berindik ari nya, iya madahka nadai tikas pengangat ti kelalu tinggi nyadi di malaysia ba taun tu kelimpah ari penusah sebun asap meraka pelilih ti balat nyadi dalam timpuh ke semak tu.

Jailan mega ngelalau mensia mayuh ngambika seruran beratika gaya hari sereta napatka penerang senentang gaya hari pemadu baru nengah laman web, aplikasyen mobil mycuaca, di media rama sereta betelefon ngagai lumur hotline MetMalaysia enti sema bisi sebarang tanya.

Tags: iban, tvs

Join our social media channel to get our news Alerts and highlights.

Leave a Reply

Your email address will not be published. Required fields are marked *