Lebih 6.8 Juta Vaksin Udah Diberi Naka Hari Empat

Spread the love

KAPASITI ninting hari vaksin ke udah diberi ngerikodka taka pemadu tinggi iya nya semak 2 ratus 70 puluh ribu dos vaksin naka hari empat.

Tu nyadika penyampau semua vaksin covid-19 ke udah diberi manggai lebih 6.8 juta dos.

Ku menteri pengerai, Datuk Seri Dr Adham Baba madah, bisi 268,604 dos udah diberi naka hari empat lalu mandangka rikod taka vaksin ke diberi nya lebih 2 ratus 50 puluh ribu dos tiga hari bejurut.

Iya madahka, vaksin ke diberi ninting hari menua udah ngelui ari 2 ratus 50 ribu maya hari dua ke udah iya nya 250,529 dos, dientudi ke 252,773 maya hari tiga enggau 268,604 dos hari empat.

“Taka pemadu tinggi nya mega dijapai semina dalam timpuh 10 hari sepengudah meri vaksin ninting hari ngelui 200,000 dos ti keterubah kenyau ari program betuchuk vaksin covid-19 menua (pick) dilancharka maya 24 hari bulan 2 ke udah.” ku iya madah ba dalam siti penerang ba twitter maya hari lima.

Berebak ari nya, Dr Adham madahka, bisi 6,823,104 dos vaksin udah diagih ba serata menua naka hari empat.

Semak lima juta iku orang udah nerima dos ti keterubah enggau semak 1.9 juta iku orang udah nerima kedua-dua dos vaksin COVID-19.

Penyampau orang ke udah nerima dos ti keterubah iya nya 4,924,334 iku orang tauka 15.1 peratus ari lebih 32 juta rayat di menua tu.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *