PROJEK JEMATAN LINSUM UDAH TEMBU

Spread the love

BETONG , JUN 23 : Jematan ngelayang Batang Layar di Linsum pemanjai 70 meter ti nyadi jematan ke-5 enggau kepenudi tembu ungkup projek nyeleti jalai.

Jematan digaga dikena nyambung jalai Linsum ngagai Ijok enggau Kerapa, Spak. Jalai tu mega nyadi jalai penyambung ngagai Rh. Linsum, Mara, Melanjan, Temedak, Jelang, Luing, Grugu, Penyuin, Ijok enggau Kerapa Spak.

Kelimpah ari nya jalai tu mega ngelawa Klinik Pengerai Mujau lalu besambung enggau jalai Nanga Mujau ke Batu Lintang.

Projek beungkus RM44 Juta tu dipelanja penuh perintah GPS lalu projek tu deka meri penguntung ngagai 2,000 iku raban orang bumai ti diau ngelingi nya.

Kelimpah ari nya ku Kaban Kunsil Nengeri (ADUN) Layar YB Gerald Rentap Jabu pejalai muntang agi ngelawa SK Ng. Lawih enggau Jalai Ulu Layar. Nambahka nya sida ti ngemeranka pengawa betanam betupi mega bulih penguntung laban pejalai bejualka asil kebun ke pasar lantang agi pengudah jematan tu tembu.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *