Belanja Kena Nyaga Rampa Menua Nambah

Spread the love

Kuching, 23 Jun – Ba taun 2019 pengemeran industri nguna belanja RM2.89 bilion dikena nyaga rampa menua iya nya tujuh peratus lebih tinggi ti dibanding ba taun sebedau nya.

Bemalinka ripot belanja pengawa nyaga rampa menua taun 2020, Tuai statistik Datuk Seri Dr Mohd Uzir Mahidin madahka, penyulut nya disungkak ari belanja modal ba taka penumbuh dua lumur iya nya 18 peratus.

Iya madahka, ungkup belanja operasyen ngerikodka penumbuh ke sedang iya nya semina tiga peratus ba taun 2019.

“Asil ari tinjau tu mandangka penyungkak pemadu besai iya nya belanja operasyen iya nya 70.3 peratus seraya 29.7 peratus agi belanja modal.” ku iya madah ba dalam siti penerang maya hari tiga.

Iya nerangka, senentang belanja dikena nyaga rampa menua nambah ngagai 28.6 peratus kenyau ari taun 2014.

Kelimpah ari nya, pengawa mutarka isu pengamah mayuh ari belanja nyaga rampa menua iya nya lebih ari RM2,021.2 juta tauka 70.1 peratus.

Ditangkan ke belanja mutarka uras RM751.7 juta tauka 26.1 peratus sereta beratika gaya sereta caj rampa menua RM64.9 juta tauka 2.3 peratus.

Sektor ngaga barang tetap lebih ari belanja kena nyaga rampa menua ba taun 2019 iya nya nguna belanja RM2,181.3 juta tauka 75.6 peratus.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *