577 Kes Positif, 609 Kes Udah Gerai Di Sarawak

Spread the love

Sarawak ngerikodka 577 kes positif baru COVID-19 enggau tiga kes pemati maya hari tiga.


Tu nyadika penyampau semua kes positif COVID-19 di Sarawak nambah ngagai 61,566 kes.

Ku Komiti Mutarka Penusah Ngenyit Nengeri Sarawak (JPBNS) madah, 300 iku tauka 51.99 peratus ari kes nya diripotka di pelilih menua Kuching, Pakan, Bintulu, Kanowit enggau Meradong.


Nangkanka nya, JPBNS madahka, pelilih menua Kuching ngerikodka kes ti pemadu tinggi iya nya 145 kes, ditangkanka enggau Pakan 45 kes, Bintulu 40 kes, Kanowit 39 kes, enggau Meradong 31 kes.

Ari 577 kes baru ti diripotka nya, 56 iku bisi ngayanka kelai kena rampit igi penyakit COVID-19 lebuh beperesa pengerai.

Entudi ke nya, bisi 609 kes baru udah gerai enggau dikemendarka pansut ari sepital naka hari enam.


TU nyadika penyampau semua kes positif COVID-19 ke udah gerai enggau dikemendarka pansut ari sepital nambah ngagai 50,799 iku.


Penyampau kes ke agi diperubat enggau diengkah ba PKRC enggau wad sepital iya nya 9,857 iku.


Kelimpah ari nya, empat kluster baru ditukuka iya nya Kluster Sungai Kotak Di Meradong,, Kluster Nanga Tada Di Kanowit Di Serian ,Kluster Jalai Kuala Tatau, Tatau enggau Kluster Tanjong Lelengau, Pakan.//
 
Nangkanka nya, bisi empat kluster udah punas iya nya Kluster Tebedu Mawang, Tebedu, Kluster Nanga Skrang, Sri Aman, Kluster Bukit Temedak, Pakan enggau Kluster Tanjung Bundong, Samarahan.

Lalu, tu nyadika bisi 97 kluster agi bedau punas di Sarawak.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *