Pengawa Meri Vaksin COVID-19 Ngelui 6 Juta Dos

Spread the love

Penyampau semua  dos keterubah enggau kedua dos vaksin COVID-19 di menua tu naka kemari udah ngelui enam juta dos.

Menteri Pengerai Datuk Seri Dr Adham Baba madahka, naka kemari, bisi 4,384,441 iku orang udah nerima dos keterubah lalu 1,666,757 iku orang udah tembu dos kedua, tu nyadika kesemua pengawa meri kededua dos tu iya nya 6,051,198.

Nengah penerang ke dikunsi iya dalam Twitter , iya madahka, lima nengeri ti udah ngerikod nerima kededua dos ke pemadu tinggi iya nya Selangor 216,386, ditangkanka Sarawak (188,289), Johor (176,080), Perak (154,422) enggau Kuala Lumpur (145,906).

Nangkanka nya, program tuchuk vaksin COVID-19 menua, Dr Adham madahka, bisi 235,623 dos diberika kemari, ke pemadu tinggi kenyau udah berengkah di[pejalaika kena  24 Februari ti udah.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *