KPM Mesti Beratka Tiga Pekara Ngambi Pengajar Baru

Spread the love

Opis Menteri Pelajar (KPM) mesti meda  kualiti, pengelandik enggau pengerindu dalam ngambi khas pengajar nengah chara ‘one off’ dikena pangku pengawa puang pengajar ti selampur menua. 
Presiden Kongres Serakup Pengereja Pengawa Opis Perintah (CUEPACS), Adnan Mat, madahka, tiga pekara  nya mesti dikemerat laban mayuh pengawa ti berat deka ditapi ba bidang pengajar tu.
 
“ Pengajar mesti bisi kualiti, pengelandik, pengerindu ti dalam, CUEPACS enggai ngambi pangku pengawa tu nengah chara ti besai laban enggai ketegal ke pengurang pengajar tu aja tang utai tu enda meri empas ti dikearapka.”

Tang taja pia, adnan madahka, pengawa CUEPACS ngambi pengajar ngena chara besai bakatu endang enda setuju maya ba taun ti deka datai jemah ila,tang pengawa ngambi tu mesti digaga nengah chara berenggat nitihka pemisi pangku pengawa nya.
 
Nangkanka nya, ku iya, jalai tu dikena mutarka penanggul ke nyadi lalu ukai dipejalaika ba siti timpuh aja.
 
Iya mega nerangka, CUEPACS ngarapka bala pengajar ke agi biak ngena peluang tu enggau manah ngajara anak bansa

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *