Kes Covid-19 Nurun enggau 5293 Kes Kena Hari Minggu

Spread the love

KUCHING, 20 JUN -Malaysia kena Hari Minggu ngerikodka 5,293 kes baru Covid-19 dalam timpuh 24 jam.

Tuai Direktor Pengerai, Tan Sri Dr Noor Hisham Abdullah madah, penyampau nya ngayanka trend kes Covid-19 nurun kurang 618 kes dibanding enggau 5,911 kes kemari.

Nangkanka nya, Sarawak ngerikodka 661 kes baru positif Covid-19.

Entara pelilih menua ti ngerikodka kes iya nya Sibu (134), Kuching (88), Bintulu (72), Subis (52), Miri (43), Mukah (31), Sri Aman (31), Julau (29), Tatau (26), Samarahan (23), Kapit (20), Bau (19), Serian (15), Meradong (14), Sarikei (12), Song (10), Selangau (9), Kanowit (8), Simunjan (5), Sebauh (5), Lundu (3), Pusa (3), Asajaya (2), Bukit Mabong (2), Telang Usan (1), Tebedu (1), Tanjung Manis (1), Saratok (1) enggau Dalat (1).

Tu nyadika penyampau semua kes di Sarawak nambah ngagai 59,800 kes.

Komiti Mutarka Penusah Ngenyit Nengeri Sarawak (JPBNS) mega ngenukuka bisi dua kes pemati ketegal Covid-19.

Bisi 49,171 iku tauka 82.23 peratus kes udah gerai sereta dikemendarka pansut ari sepital di Sarawak naka ke diatu.

Kelimpah ari nya, Sarawak ngerikodka empat agi kluster baru iya nya Kluster Jalai Usaha Jaya, Kluster Kampung Taba Sait, Kluster Jalai Tabuan Tranquility ,Kuching enggau Kluster Lorong Perlis Empat, Miri.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *