Pengelantang Rayat Di Sitak Layar Seruran Dikemeratka

Spread the love

Betong, 11 Jun – Rayat mayuh lebih agi ti diau ba sitak Layar deka semampai dikemeratka sereta diberi perati.

Nya alai, Kaban Kunsil Nengeri (ADUN) Layar, Gerald Rentap Jabu udah nyadung Bantu Pemakai Khas Sarawakku Sayang (BKSS) ngagai rayat di sitak nya.

Kena 8 hari bulan 6 tu tadi, 4,300 iku tuai bilik (KIR) nerima bantu BKSS ba hari  keterubah.

Udah nya, ba hari kedua (9 hari bulan 6), bisi 443 iku KIR nerima bantu tu ti mungkur 16 buah rumah panjai.

Pia mega, ba hari ti ketiga bisi 675 iku KIR ti mungkur 33 buah rumah panjai nerima bantu tu.

Sehari tu tadi, program BKSS dikemujurka Chairman Komiti Penyangga Penusah Begian Betong ke mega Residen Betong Friday Belik.

Gerald Rentap meri besai terima kasih ngagai raban volunteer ti mantu dalam ngemujurka pengawa nyadung bantu tu.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *