Palan meri vaksin begunaka mayuh agi pengereja pengawa

Spread the love

KUCHING: Palan meri vaksin tauka Pusat Pemberian Vaksin (PPV) begunaka mayuh agi pengereja pengawa tauka sukarelawan ngambika juluk perintah nengeri ti deka ngulihka imuniti bebala mayuh (imuniti kelompok) tau dijapai.

Sapit Sekretari Perintah Nengeri Sarawak, Datu Sabariah Putit, madah mayuh agi orang deka diambi gawa ngambika penyampau pengereja pengawa chukup enti PPV bisi ditambah.

“Kitai deka muka mayuh PPV ungkup mensia mayuh di serata menua Sarawak. Nyadi aku deka nentuka sukarelawan ulih mantu. Kitai udah muka jalai jampat kena ngulihka sukarelawan ngambika bisi mayuh agi orang ulih mantu dalam timpuh tiga bulan,” ku Sabariah.   

Sabariah, ke megai pengawa nentuka penyampau pengereja pengawa ti chukup dalam program betuchuk vaksin Sarawak, mansutka jaku nya sepengudah iya ngabas PPV Pusat Konvensyen Borneo Kuching (BCCK) maya Hari Tiga.

Iya mega madah, bala sukarelawan deka diberi vaksin dulu kelimpah ari nerima elaun.

“Bala sukarelawan deka diberi vaksin dulu baka ti udah ditetapka perintah nengeri, enggau nerima elaun entara RM2,000 ngagai RM2,400 sebulan,” ku Sabariah.

“Kitai endang kelebih agi meransang mayuh agi orang ngerejista diri nengah Gerempung Bulan Sabit Mirah Sarawak.”

Sida ke bisi ati deka nyereta program tu tau ngerejista diri dalam laman http://e-recruitment.sarawak.gov.my tauka betelefon ngagai Opis Pengerai Nengeri Sarawak ba lumur 082-473200, 082-473306 tauka 082-473380.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *