Melaki Bini 101 Taun Nerima Vaksin Patut Nyadika Chunto

Spread the love

KUCHING: Pengeransing sepasang melaki bini ke beumur 101 taun, Kadir ak Ina enggau bini iya Tupang ak Andar ari Rumah Panjai Kubau, Pantu datai betuchuk vaksin patut nyadika peransang enggau chunto ngagai mensia mayuh.

Seduai entara 366 iku ke nerima tuchuk vaksin ba Program Tuchuk Covid-19 (PICK) ba Palan Meri Vaksin (PPV) Dewan Suarah Sri Aman, kemari.

Nitihka penerang, seduai berangkat tumu urung pukul 6:30 pagi ari rumah panjai laban gagit deka betuchuk vaksin di PPV Dewan Suarah Sri Aman.

Berebak enggau nya, lebuh ditanya Kadir madah, vaksin mesti diambi laban nya ulih nyaga pengerai tubuh kelimpah nagang pengekai igi penyakit Covid-19.

Seduai melaki bini mega meri terima kasih ngagai Opis Pengerai Malaysia enggau Menteri Besai laban senaka ulih deka rayat Malaysia nerima vaksin kelimpah meri puji ngagai raban gawa di luan bejalaika pengawa nentuka program tuchuk vaksin bejalai lanchar.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *