Pengelicha Sementara UiTM enda diketuka

Spread the love

KUALA LUMPUR: Universiti Teknologi MARA (UiTM) sehari tu nyemetak madah, nadai pengelicha sementara deka diketuka servis baka ke diripot sebuah surat berita jaku Inggeris kemari ti madah university nya deka ngetuka 600 iku pengelicha sementara nya.


Ngambi ripot ari Berita Harian, Mandal Kaunselor UiTM, Prof Emeritus Datuk Ir Dr Mohd Azraai Kassim, madahka pengawa ngambi pengelicha sementara di UiTM ungkup tetiap semester iya nya bepelasar ke guna program enggau subjek ba tetiap fakulti.


“Nyadi, penyampau nya bebida ba sesiti semester enggau ripot ti madahka UiTM deka ngetuka ngambi pengelicha sementara endang pekara ti ngasuh ngasaka ati,” ku iya dalam penerang sehari tu.


Iya bejaku munyi nya, maya nerang sentang ripot ba sebuah surat berita setempat kemari ti berambaika jaku “UiTM re-assesses 600 part-time lecturers after funding cut” ti dipeda nyaruka mensia mayuh.


Nangkanka nya, UiTM mega seruran bekerejasama enggau Opis Menteri Pelajar Tinggi ti siru enggau pemansang sereta operasyen universiti .

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *