Raban Polis Deka Disikap Enggau Kamera Tubuh Taun Baru

Spread the love

KUALA LUMPUR: Raban Polis Diraja Malaysia (PDRM) disadang disikap enggau perengka kamera tubuh ba taun baru lalu nyadi siti chara dikena nambahka integriti raban pengelikun nya lebuh bejalaika pengawa.

Ngambi ripot ari Berita Harian, Menteri Dalam Negeri, Datuk Seri Hamzah Zainuddin madah, kamera tubuh nya ba baruh pelin bejalaika pengawa masang kamera tubuh ti ngaul perambu pengulih 2,168 unit kamera 4G.

Nangkan ke nya, pekara nya deka dipejalaika ba taun baru. Perintah komited deka bejalaika projek masang kamera tubuh tu ti ngambi kira bekau positif ti ulih ngurangka kes ripot, penyalah makai suap ke nyadi dalam raban nya lebuh gawa.

Iya mansutka jaku nya lebuh nyaut tanya Kaban Parlimen Sibu, Oscar Ling Chai Yew (PH-Sibu) ti minta perintah madahka pengerembai perambu bejalaika pelin masang kamera tubuh ngagai raban PDRM dikena nyeliah penyalah salah nguna kuasa sereta makai suap.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *