Sukung Fiskal Beguna Kena Mutarka Empas COVID-19

Spread the love

KUALA LUMPUR: Perintah mesti majak bejalaika sukung fiskal dikena nyukung ruang bilik sereta raban pedagang ti kena empas ketegal pandemik COVID-19.

Ngambi ripot ari Berita Harian, Direktor Unit Sukung Polisi Kerejasama Ekonomi Asia Pasifik (APEC), Dr Denis Hew, madahka sukung fiskal ending patut diteruska nyentuk  pandemik COVID-19 ulih dipunaska amat.

Polisi fiskal iya nya singkang diambi sesebuah perintah dikena ngubah struktur pekara belanja enggau chukai dalam nyapai guna pengereja pengawa kelimpah nagang inflasi.

Agih Belanja 2021 ti dibantai bedau lama ti udah ngena chara polisi fiskal ngerembai, iya nya nambah belanja perintah serete ngurangka tikas chukai dikena mutarka bemacham empas ari pengelekai COVID-19 nyengkaum tikas orang nadai kereja majak nambah.

Nangkan ka nya, Hew madahka, sesebuah ekonomi ti tekeruga ulih bejalaika bemacham bengkah chara ti bebida dikena mutar sereta nyukung ruang bilik, Pedagang Mit enggau Jelan Pemesai (PKS) sereta PKS Mikro enggau nentuka ekonomi domestic manah, enti sema agi bisi awak bejalaika bakanya.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *