Sarawak Ngerikod 13 Kes Baru Positif COVID-19

Spread the love

Bisi 13 kes positif baru COVID-19 diripotka di Sarawak sehari tu. Kes tu diripotka iya nya di pelilih Kuching (12) enggau Lawas (1), nyadika penyampau semua kes nambah ngagai 1,032 kes.

Chairman Komiti Mutarka Penusah Ngenyit Negeri (JPBN) Sarawak madah,  ari penyampau nya, 10 kes berampit ba ka kandang menua tu ti udah beperesa bisi kontak semak enggau kes positif, siti kes ngaul lelaki peranak menua tu pekereja peribit ti udah beperesa ba klinik pengerai bisi simptom tabin enggau batuk kenyau 10 November 2020 lalu ditemu positif 12 November 2020.

Kes positif di Lawas iya nya kes ke-1,031 ngaul siku lelaki pinchin gawa perintah kandang menua tu bisi sejarah bejalai ke Sabah.

Opis Pengerai Negeri Sarawak madahka bisi siti kluster baru ti ditemu sehari tu iya nya Kluster Abell ti ngaul kandang endur Pending enggau Padungan di pelilih Kuching.

Nangkan ka nya, lapan kes baru udah suman sereta dikemendarka pansut ari sepital sehari tu. Ari penyampau nya, lima kes udah suman enggau dikemendarka pansut ari Sepital Besai Sarawak sereta 3 kes agi ari Sepital Miri ti nyadika penyampau semua kes udah suman iya nya 890 iku tauka 86.24 peratus lalu nadai kes nabanka nyawa sehari tu.

Bisi 20 PUI baru diripotka enggau tiga agi nganti pemutus peresa makmal.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *