POLIS KOMUNITI ENTARA INISIATIF TI ENGKEMAN UNGKUP PENGELIKUN MENUA

Spread the love

BELAGA : Polis Komuniti nya kerejasama ti engkeman entara raban bekaul ba pengawa ngenegapka penyerakup pupu bansa.

Nitihka penerang ari UKAS, Kaban Kunsil Negeri (ADUN) Murum, Kennedy Chuk Pai Ugon madahka strategi nya ditumbuhka ngambi sebarang penerang ulih dikunsi lalu tu sebagi ari teknik tauka chara mutarka isu ti bekaul penyarut entara komuniti ti berurun agi.

Lebuh bejaku ba pengawa bejadika Worksop Polis Komuniti BRS Sungai Asap, Belaga maya hari empat ku iya nambah, pengawa tu mega ulih meri pemereti ati mensia mayuh ngambi enda kelalu ngandalka raban polis aja nyaga pengelikun menua.

Nangkanka nya, iya mega muji inisiatif ngatur worksop nya lebih agi ba Palan Pengentap Baru Pendiau Bakun (BRS) ngambi pengari dia besaup nagang penyalah.

Ku iya, pemansang ti majak ngerembai enggau tikas sosio ekonomi ti manah bepanggai ba penegap sesebuah negeri.

Ba pengerami ke sama, Sekula Sekondari (Sk) Bakun , SK Batu Keling, SK Long Gang, SK Sambop2, SK Long Urun, SK Lusong Laku, SK Metalun enggau SK Tegulang mega sama bela nerima bantu gari sekula ari Yayasan Sarawak.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *