Mayuh Macham Inisiatif Mantu Sukut Dagang Temuai

Spread the love

KUCHING: Mayuh macham inisiatif udah dipejalaika Perintah  Sarawak dikena ngemansangka agi industri dagang temuai di negeri tu.

Ngambi ripot ari UKAS,Menteri Dagang Temuai, Seni enggau Main Asal Sarawak, Datuk Abdul Karim Rahman Hamzah madah, antara inisiatif ke dipejalaika nya nyengkaum ngelanchar kus E-Pelancongan PANDei ke ulih mantu nyapai sereta ngelengkaska juluk negeri tu nuju ekonomi digital.

“Kus dalam tali arus iya nya E-Pelancongan ke dilancharka kami sehari tu siti ari inisiatif opis menteri aku nyambut visyen perintah negeri nengah ekonomi digital”.

“Aku pechaya sentang E-Pelancongan deka meri pemaik ngagai peranak setempat awakka nemu mayuh agi sentang industri dagang temuai enggau pengawa bedagang di Sarawak”.

“Kelimpah ari nyadi duta negeri enggau bekunsika penemu ke udah dipelajarka nengah modul dalam tali arus, sida mega ulih ngena nya nyadi penemu dikena ngaul diri dalam pengawa bedagang dagang temuai enggau achara bedaja setempat.”

Iya mansutka jaku nya ba Pengerami Bejadika Kus E-Pelancongan PANDei di Kuching sehari tu.

Nangkan ke nya, ba aum pengarang berita iya, Abdul Karim madah, opis menteri iya udah ngelanjar timpuh kimpin pakej dagang temuai Sia Sitok Sarawak ari 31 Disember 2020 nyentuk 31 Mac 2021.

“Kimpin Sia Sitok Sarawak ditimpuh abis kena 31 Disember 2020 tang, Lembaga Pelancongan Sarawak (STB) ke nyadi ejinsi empu pengawa bejalaika kimpin tu udah mutuska deka ngelanjar timpuh tu nyentuk ke 31 Mac 2021”.

“Seraya udar bagi pakej-pakej ke bisi disediaka digaga nyentuk ke  31 Disember taun tu”.

Bagi penerang semua, Sia Sitok Sarawak iya nya pakej intra-negeri ti netapka diskaun ba taka 50 peratus ngaul 30 pakej dagang temuai di Sarawak.

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *