COVID-19: Pengempu Super Makit Dipinta Neritka Baru Pengasi SOP

Spread the love

MIRI: Pengempu super makit di Miri dipinta neritaka baru pengasi Standard Atur Pengawa (SOP) dikena nyeliahka COVID-19.

Ngambi ripot ari UKAS, Menteri Ke Megai Komiti Pengatur Penusah Ngenyit Pelilih (JPBB) Miri Datuk Lee Kim Shin ba dalam siti penerang iya maya hari empat madah, semua pengempu super makit dipinta meresa baru SOP ti udah dipejalaika ba super makit sida dikena nyeliahka pengerekai COVID-19.

“Kitai minta ngambika pengempu super makit sepengudah tu ngatur aum begulai enggau semua penyuwa, meri penerang ti terang bekaul enggau pengasi ke SOP COVID-19 sereta neritka atur nya enggau lengkas.

“Semua peranak sedar sentang guna SOP tu.

“Tu sigi tanggung pengawa kitai begulai sama nyaga diri empu enggau seruran bejejaga ngasika SOP ti udah ditetapka Opis Menteri Pengerai  Malaysia (KKM) enggau Komiti Pengatur Pensuah Ngenyit Negeri (JPBN) Sarawak,anang nyau ngansak ejinsi penerit atur bejalaika kompaun,” ku iya madah sepengudah bechairmanka Aum JPBB Miri Begulai Enggau 29 Pengempu Super Makit, Dewan Usahawan Bumiputera Sarawak, Miri Chinese Chamber of Commerce, Dayak Chamber of Commerce and Industry enggau Persatuan Peniaga Bumiputera Miri Sarawak di Opis Residen Pelilih Miri maya hari empat. 

Iya ke mega Menteri Pengangkut Sarawak mega nyemetak madah, polis enda kakang ati bejalaika kompaun ngagai pengempu premis kedai makai enggau  pelanggan enti sema enda ngasika SOP ke udah ditetapka perintah.Attachments area

Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *