Dipalu, Dichekak Nyentuk Apus Seput

Spread the love

SIBU: Siku Indu berumur 37 taun lalu bangkai ti ditemu enggau sekeda tubuh iya ditepu di dalam kantung gari ba Jalai Aman kenyau 6 Oktober lalu, iya dipechaya mati ketegal belaya lalu mansa dipaluk sereta direkak pembunuh.

Ngambi ripot ari Suara Sarawak, Ketuai Polis pelilih Menua Sibu ACP Stanley Jonathan Ringgit madahka ba siti aum pengarang berita, sepengudah nerima ripot penuh berindik ari pengawa buntas tasat tubuh mansa ti diatur piak forensik di Sepital Besai Sarawak, Dr Ibrahim.

Ku iya, bedah siasat ba mansa tu, ti dikelala iya nya Heng Meow Lin ari ari Perak digaga maya ari dua, jam 7:45 lemai di Sepital Sibu.

“Dr Norliza madahka mansa tu mati ketegal dichekak ba rekung sereta dipalu ba bagian pala enggau utai ti tumpul”, ku iya agi.

Stanley madahka Polis agi mansik pekara tu.

Nangkanka nya, ku iya, sida udah ngetan kededua suspek ti berasal ari Kuala Lumpur, siku laki enggau siku indu ti berumur 38 taun iya nya orang ti dikelala mansa empu.

Bangkai mansa ditemu siku pejalai kaki urung jam 6:30 pagi ba tepi jalai Aman. Maya bangkai tu ditemu, bangkai ya agi bebaju enggau bertanchut lalu bagian punggung enggau bagian tubuh iya ke bukai ditepu ba sebuah kantung gari.

ReplyForward
Tags: #ib

Join our social media channel to get our news Alerts and highlights.

Leave a Reply

Your email address will not be published. Required fields are marked *